Cor van Dijk út Tsjerkgaast spilet sneontejûn 1 febrewaris 2025 yn eigen doarp mei toanielferiening De Bargebeck út Wikel. Nei trije slagge foarstellings yn Wikel sels wurdt dan foar de lêste kear 'Kluchten en Kueren' opfierd.
Tegearre mei Astrid de Vries spilet Cor van Dijk it stel Gerard en Francine, better bekend as de famylje Krikke, dy’t te gast binne yn Kueroarde Fontina. It skynt dat se fan in pear ûnsûne gewoantes ôfwolle, mar der is mear oan ‘e hân.
De foarstelling is noch net útferkocht, om’t dêr gjin foarferkeap is. Kaarten kinne allinnich oan 'e doar kocht wurde.
Foto: De Bargebeck
